Akanjogh

Akanjogh

We are discussing issues such as beauty standards, household works division, roles imposed by society, dating and sexual health, street harassment and domestic violence.

N15. Ֆեմռիթմեր Հայաստան | Մաս II
N15. Ֆեմռիթմեր Հայաստան | Մաս II

Այս էպիզոդում շարունակում ենք խոսել հայաստանյան ֆեմինիստական երգերի մասին՝ փոփից մինչև էքսպերիմենտալ էլեկտրո, նյու վեյվից մինչև ժողովրդական։ Զառա Կարմիր խնձոր Շպռոտ - Ես ազատ եմ Symptom - Shark jrimurmurner - anharmara im mej (անհարմար ա իմ մեջ) Sevana - Apaga - Music Action Lab Women Նաիրյան - Համարձակ եմ Melineh - hystera/ հիստերա

N14. Ֆեմռիթմեր Հայաստան | Մաս I
N14. Ֆեմռիթմեր Հայաստան | Մաս I

Այս էպիզոդն այն մասին է, թե ինչպես են հայ կանայք իրենց հուսահատությունը, տխրությունը, բողոքը, ոգևորությունը, անհամաձայնությունը, վիրավորանքը, պայքարը, իրենց կյանքը, իրենց ապրած փորձը դարձնում երգ։ Ինչպես է հույզը ապրում երգում, շրջանառվում, ճամփորդում, լսարան ու խոսակցություն ձևավորում։ Երգերից որոշները կարող եք լսել առցանց՝ Ծոմակ, Շ․ Կուրղինյան - Երգել ուզեցի Melineh - Լավ աղջիկ (Love aghjik) Melineh - Ari Du (Արի Դու) :ana - amabitch Շապիկի գրաֆիկական ձևավորումը՝ Նունե Խուդավերդյանի։

N13. Կին, կյանք, կորոնա
N13. Կին, կյանք, կորոնա

Այս էպիզոդում անդրադառնում ենք կորոնավիրուսին ֆեմինիստական անկյան տակ ու խոսում այն մասին, թե ինչպես է չարաբաստիկ վարակը փոխել կանանց կյանքը Հայաստանում ու ողջ աշխարհում։ Շապիկի գրաֆիկական ձևավորումը՝ Նունե Խուդավերդյանի։ Արունդատի Ռոյի հոդվածը ամբողջությամբ կարող եք կարդալ այստեղ։ Էպիզոդում օգտագործել ենք ձայներ Factor.am-ից և Ազատություն ռադիոկայան-ից։

N12. Մարիամ Շահինյան․ Մաս II
N12. Մարիամ Շահինյան․ Մաս II

2019 թ․-ի օգոստոսին Անահիտը մեկնեց Ստամբուլ՝ գտնելու Թուրքիայի առաջին պրոֆեսիոնալ կին լուսանկարիչ Մարիամ Շահինյանի մասին հնարավոր ամեն բան։ Այս էպիզոդում խոսում ենք Անահիտի չորս ամիս տևած հետազոտական ճամփորդության, հուսահատության ու ոգևորության մասին։ Մարդիկ, լուսանկարներ, սահաֆներ, օրագրից հատվածներ, պատկերներով լի արկղեր․․․ Սա Մարիամ Շահինյանի մասին մեր երկրորդ էպիզոդն է, այնպես որ պատմությանը ամբողջությամբ ծանոթանալու համար խորհուրդ ենք տալիս լսել մեր նախորդ՝ 11-րդ էպիզոդը։ Էպիզոդում տեղ են գտել մինչև այժմ չհրապարակված նյութեր, որոնց օգտագործումը առանց տեղեկացնելու և հղում անելու, չի թույլատրվում։ Օգտագործված երաժշտությունը՝ Philip Glass - Metamorphosis 1 Շապիկի գրաֆիկական ձևավորումը՝ Նունե Խուդավերդյանի

N11. Մարիամ Շահինյան․ Մաս I
N11. Մարիամ Շահինյան․ Մաս I

Այս էպիզոդում խոսում ենք այն մասին, թե ինչպես է <<Ականջօղի>> համահեղինակ Անահիտը բացահայտել Թուրքիայի առաջին պրոֆեսիոնալ կին լուսանկարիչ Մարիամ Շահինյանին, հմայվել նրանով ու գնացել նրա պատմության ու լուսանկարների հետևից։ Էպիզոդում ընթերցում ենք հատված <<Պատկերների սառցարան․ Մարիամ Շահինյան>> էսսեից: Օգտագործված երաժշտությունը՝ Arvo Pärt- Für Alina, Arvo Pärt- Spiegel im Spiegel Շապիկի գրաֆիկական ձևավորումը՝ Նունե Խուդավերդյանի

N10. Ընտանեկան բռնության մասին
N10. Ընտանեկան բռնության մասին

Կան կանայք, ովքեր չապրեցին մինչև մարտի ութը։ Այս էպիզոդում խոսում ենք գյումրեցի 43-ամյա կնոջ սպանության և նրա դստեր հանդեպ իրականացված դաժան ծեծի, ինչպես նաև ընտանեկան բռնության մասին օրենքում առկա բացերի ու իրավական դաշտում կնոջ անպաշտպան լինելու մասին։ Շապիկի գրաֆիկական ձևավորումը՝ Նունե Խուդավերդյանի։ Էպիզոդում օգտագործել ենք ձայներ Ազատություն ռադիոկայանից, 1in TV-ից, և 24TV-ից։

N9. Ընտրությո՞ւն, թե՞ պարտադրանք․ մայրություն
N9. Ընտրությո՞ւն, թե՞ պարտադրանք․ մայրություն

Յուրաքանչյուր կին ինքն իր համար պիտի հասկանա ու որոշի՝ ուզում է երեխա ունենալ, թե ոչ։ Բայց ինչպե՞ս հասկանալ սեփական ցանկությունները, ինչպե՞ս հասնել ներսի ուզածին՝ շրջանցելով մշակութային ու հանրային պարտադրանքները։ Այս էպիզոդում փորձում ենք վերամտածել, վերասահմանել, թե ինչ է մայրությունը։ Շապիկի գրաֆիկական ձևավորումը՝ Նունե Խուդավերդյանի։ Երաժշտությունը՝ Unwoman - Breathe Out (Instrumental)

N8. ՖեմՌիթմեր | Իրան
N8. ՖեմՌիթմեր | Իրան

Մի հայտնի ֆեմինիստական երգի պատմությունը բացահայտելու համար զրուցում ենք Լուսինեի հետ, ով կյանքի մի կեսն ապրել է Իրանում, մյուս կեսը՝ Հայաստանում։ Խոսում ենք երգի հետ իր ծանոթության ու Իրանի վերջին տարիների ֆեմինիստական շարժումների մասին։ Շապիկի գրաֆիկական ձևավորումը՝ Նունե Խուդավերդյանի։

N7.  <<Ականջօղն>> օվկիանոսից էն կողմ
N7. <<Ականջօղն>> օվկիանոսից էն կողմ

Էս էպիզոդը նվիրված է Լոս-Անջելես քաղաքում տեղի ունեցած Werk It 2019 կանանց փոդքասթ փառատոնի մեր փորձառությանը կամ այլ կերպ ասած՝ փոքր փոդքասթը հրեշտակների քաղաքում։ Շապիկի գրաֆիկական ձևավորումը՝ Նունե Խուդավերդյանի։ Werk It 2019 ելույթները՝ https://www.werkitfestival.com/spreaker-audio-live-stream Dessa - Fire Drills: https://www.youtube.com/watch?v=L-AWAhIedT8 Para Qué Quieres Volver - Dayanna Garcia: https://www.youtube.com/watch?v=h5NMjZREtiM Power Not Pity Podcast: http://www.powernotpity.com/ Lisa Hannawalt's Website: http://www.lisahanawalt.com/tuca-bertie Nicki Minaj - Bossing Up։ https://www.youtube.com/watch?v=PzGZamtlRP0

N6. Սոլիդարությունը որպես զենք
N6. Սոլիդարությունը որպես զենք

Վերջերս ֆեյսբուքյան <<Վերաիմաստավորելով մարտի ութը>> խմբում ծավալված բանավեճն առիթ հանդիսացավ խոսելու կանանց սոլիդարության մասին։ Ի՞նչ է այն նշանակում, ինչպե՞ս է դրսևորվում ու ի՞նչ կարևորություն ունի ֆեմինիզմ կառուցելու գործում։ Վեցերորդ էպիզոդը անդրադառնում է կանանց սոլիդարությանը երկու կին հեղինակների տեքստերի միջոցով։ Առաջինը ամերիկացի սևամորթ գրող, ակտիվիստ Բելլ Հուքսի <<Ֆեմինիստական տեսություն․ լուսանցքից կենտրոն>> գրքի հետևյալ գլուխն է՝ <<Քույրություն․ Կանանց միջև քաղաքական սոլիդարություն>>։ Երկրորդը ամերիկացի գրող Ռոքսան Գեյի <<Ինչպես ընկերություն անել մեկ այլ կնոջ հետ>> էսսեն է։ Երաժշտությունը՝ Հայկ Կարոյի Կարապետյանի Էպիզոդի նկարի ձևավորումը՝ Telojantelo֊ի

N5. Պարկամուկը, համաձայնությունն ու տոլման
N5. Պարկամուկը, համաձայնությունն ու տոլման

Այս էպիզոդը սեռական համաձայնության մասին է։ Ո՞նց ենք ընկալում սեռական համաձայնությունը մի մշակույթում, որտեղ աղջիկը <<հա>> ասել չի կարող ու <<չէ>> ասելը երբեմն սիրային խաղի կարևոր մաս է։ Առաջին անգամ պաշտոնական սեռական համաձայնության տարիքը` 12, հաստատվել է Անգլիայում 1275 թ.-ին՝ որպես բռնաբարության օրենքի մաս: Աշխարհի տարբեր երկրներում սեռական համաձայնության տարիքը տարբեր է, տատանվում է 14-18-ը: Հայաստանի քրեական օրենսգրքում բացակայում է սեռական համաձայնություն եզրույթը։ Էպիզոդի հյուրերն են Սեռական բռնության ճգնաժամային կենտրոնի հոգեբան Սիրանուշ Դավթյանը և գրող, կինոռեժիսոր Հովհաննես Իշխանյանը։ Սեռական բռնության ճգնաժամային կենտրոնի կայքը Համաձայնությունը և տոլման Սուտմեռուկ պարկամուկը Sufjan Stevens - Mystery of Love (From "Call Me By Your Name" Soundtrack)

N4. #Բռնության_ձայնը | Սեւ Բիբար
N4. #Բռնության_ձայնը | Սեւ Բիբար

Սեւ Բիբար փոդքասթը վարող մեր ընկերները իրենց երեկվա էպիզոդում անդրադարձել են #Բռնության_ձայնը շարժմանն ու դրա արձագանքին: Այսօր ուզում ենք ձեզ ներկայացնել էպիզոդն ամբողջությամբ: Սեւ Բիբարը քննախոսական հարթակ է, որը ձախական դիրքերից քննարկում է Հայաստանում ու աշխարհում ընթացող քաղաքական, տնտեսական ու հասարակական երևույթները։ Սեռական բռնության ճգնաժամային կենտրոնը տրամադրում է անվճար ծառայություններ սեռական բռնության ենթարկված անձանց ՀՀ ամբողջ տարածաշրջանով մեկ: Թեժ գիծ` 0 800 01 280; 077 99 12 80

N3. Մի՛ լացի, դու տղա ես
N3. Մի՛ լացի, դու տղա ես

Զրուցելով մի խումբ տղաների հետ՝ փորձել ենք հասկանալ, թե իրենք ինչ խնդիրներ ունեն Հայաստանում։ Որո՞նք են սոցիալական այն դերերը, որ հասարակությունը պարտադրում է տղամարդկանց, ի՞նչ կապ ունի շատ սեքս անելը տղամարդ լինելու հետ ու ի վերջո՝ ո՞րն է տղամարդու սահմանումը։ Երաժշտությունը՝ Philipp Pettauer-ի: Chimamanda Ngozi Adichie We Believe: The Best Men Can Be | Gillette (Short Film) The Mask You Live In

Թրեյլեր | Մի՛ լացի, դու տղա ես
Թրեյլեր | Մի՛ լացի, դու տղա ես

Մինչ մենք կտրտում-մոնտաժում ենք ութից ավել տղայի հետ արված մեր երկա՜ր-բարա՜կ զրույցները, զբաղեցրեք ձեզ այս փոքրիկ հատվածը լսելով․ տղաներն ու տղամարդկանց վնասող կարծրատիպերը։

N2. Գովազդ, կնոջ մարմին, ֆոտոշոփ ու գեղեցկության չափանիշներ
N2. Գովազդ, կնոջ մարմին, ֆոտոշոփ ու գեղեցկության չափանիշներ

Թեժ զրույց վուլկանացման կետից, խոսակցություն գովազդում կանանց կերպարի շուրջ, gg տաքսու օրինակը, կանանց մարմնի ապրանքայնացման վտանգներն ու Ռուպի Կաուրը։ <<Կնոջ կերպարը Հայաստանյան գովազդում>> հետազոտությունն ամբողջությամբ հասանելի է՝ այստեղ, Ջին Քիլբուրնի գործունեությանը ծանոթանալու համար այցելեք իր կայքը, իսկ Ռուպի Կաուրի բանաստեղծություններն օրիգինալ անգլերենով կարող եք գտնել հենց իր Ինստագրամում։

N1. Շնորհավո՛ր, դուք ֆեմինիստ եք
N1. Շնորհավո՛ր, դուք ֆեմինիստ եք

Ինչո՞ւ են մարդիկ խուսափում ասել, որ ֆեմինիստ են։ Ֆեմինիզմի ի՞նչ թյուրըմբռնումներ կան Հայաստանում։ Ի վերջո ո՞րն է ֆեմինիզմի սահմանումը և ինչպես է սեքսիստական մտածողությունը ձևավորում մեր պատկերացումները կանանց և տղամարդկանց մասին։ Ինտերսեքցիոնալ ֆեմինիզմ, Բել Հուքս, Ռոքսան Գեյ, Գոհար, Անահիտ, մի խոսքով՝ ջղային, շատ ջղային կանանց խոսակցություն։ Էպիզոդը ենթագրերը հասանելի են այստեղ: