Երաժշտություն

Շատ են ասում, որ եթե ինչ-որ գաղափար, երազանք ունես, միանգամից պետք է վեր կենաս ու սկսես գործել: Մենք էլ, հետևելով այս խորհրդին, մի 4 ամիս մտածելուց հետո վերջապես բացեցինք մեր բլոգը, որտեղ քննարկելու ենք ամենաինտիմ հարցերը, օրինակ` ի՞նչ երգ ենք լսում, ի՞նչ ենք զգում ու մտածում դրանք լսելիս, ո՞ր երգերի տակ ենք դեպրեսվում կամ ուրախանում: Կարող ես միանալ մեզ, վստահել ու կիսվել քո երաժշտական գաղտնիքներով:

Քննարկում ենք ԵՐԵՎԱՆ քաղաքի ամսագրի նոր թողարկումները ամսագրի հերոսների հետ։

Այստեղ կարող եք լսել ռաբիզի շուրջ բանավեճեր ուսումնասիրողների մասնակցությամբ, ծանոթանալ լուսանցքներում մնացած ու մինչ այս չհանրայնացված ռաբիզի ձայնագրությունների արխիվներին, վերապրել պարզ մարդկային հիշողություններ ու երգեր, որոնք ծանոթ են մեր ականջներին, բայց մոռացության են մատնվել։ Պոստ Ռաբիզը հեռաձայնում է լուրջ և անլուրջ խոսույթներ։

«Զրույց Թամար Հովհաննիսյանի հետ» հաղորդաշարը՝ իր դերասանուհի, ռեժիսոր տիկին Հովհաննիսյանի հեղինակային հաղորդումների շարքն է: Քսանհինգ րոպե տևողությամբ այս զրույցը հեղինակի և ունկնդրի միջև շատ ընդգրկուն է, թեմաները անսահմանափակ: Գրականություն, արվեստ, երգ, երաժշտություն: Սրանք նաև իր անհատական ընկալումների, հուշերի պատմություններն են:

Ողջույն։ Ես Դիանան եմ։ Կիսվում եմ ինձ հետաքրքրող պատմություններով, երաժշտությամբ ու խաղաղ տրամադրությամբ։ content: Այս փոդքասթն իմ անձնական Մարս մոլորակն է։ Որպես լեզվաբան հաճախ որևէ թեմայով թարգմանություն անելու համար՝ Լյուիս Քերըլի Ալիսայի պես՝ գլխով ընկնում եմ թեմայի անհուն խորքերն ու գնա՜ց․ ամեն ինչ ավելի ու ավելի հետաքրքրանում է։ Այսպես մի օր հիացա ժողովրդական բանահյուսությամբ, փշաքաղվեցի մետալի, ֆոլքի և նույնիսկ հոգևոր երաժշտության նմանությունից, սիրահարվեցի բնությանը և առ այսօր դեգերում եմ մարդու ուղեղի գալարներով, որպեսզի մի չրթ ավել հասկանամ, թե ինչպես է այն աշխատում։ Ու որքան խորանում եմ, այնքան ավելի շատ եմ պաշտում բնությունը, դրա աշխատանքը, մեխանիզմները, կատարելությունը։ Չգիտեմ՝ ուր կտանի ինձ հետաքրքրասիրությունս, բայց ամեն էպիզոդ ու ամեն քայլ միշտ կունենա իր ռիթմը, ձայնը ու մեղեդին։ Որովհետև առանց երաժշտության կյանքն ախմախ բան կլիներ։